اتعلموها بـقـــى

صباح الخير عليكوا جميعا .يا رب تكونوا فى احسن حال
بصوا انا كنت بأتجول عالفيس ولقيت واحده كاتبه الموقف ده وبصراحه عجبنى أوى وضحكنى كمان وقلت لازم اقولهولكو يمكن تستفادوا منه لو واحده منكم اتحطت فى نفس الموقف

مره انا وخطيبى رحنا كافيه فى الزمالك وكان شكله غاااااااااااالى اوى

قالى عادي يعنى حتى لو غالى هيوصل لـ ايه !!
تعالى يابنتى ندخل وخلاص يعنى هما اللى بيجوا احسن مننا

قلت هو انا اكره يا خويا تعالى ندخل
واذ بينا لاقينا واحده بتفتحلنا الباب وبتقولنا smoking
انا افتكرتها تعرفنا ولا عايزه حاجه اتريها طقوس المكان يا شيخه بتقوله التدخين بيبقى فوق يعنى واللى مش بيدخنوا تحت

اعدنا تحت وبينى وبينك كان عجبنى المكان جدا حاجه كده ملهاش حل
ولقيتلك واحد ابن ناس كده الله يكرمه جايبلنا المنيو طبعا مش هتكلم على الراجل اكيد فاهميين شكله عامل ازاى
وحبيبى قالى احنا ناكل الاول وبعدين نشوف نشرب ايه ..كنت انا بقى فتحت المنيو
قولتله انت عايز تاكل كمان افتح واتفرج

قالى مش مشكله اطلبى احنا هنمشى ازاى يعنى شكلنا هيبقى وحش اطلبى اللى انتى عايزاه وهنتصل بحد يجيلنا ويجبلنا فلوس

قولتله نعععععععععععععععععم اطلب ايه هو انت لاقى الفلوس فى الارض قوم يابنى متخلينش ازعلك هنا دلوقتى
وهو يا عينى هيموووت ويقولى لا بلاش هيبقى شكلنا وحش !!طب اقولك حاجه اطلبى شاى حتى بس

.افتحلك صفحه الشاى ( اصل الشاى كان ليه صفحه لوحده) لقيت مكتوب شاى ساده ب 65 جنيه والشاى بالنكهات ب 85 جنيه دا غير الخدمه والكيك اللى مع الشاى واللى لازم تاخديه !!!

قولتله اعمل اللى هقولك عليه من غير نقاش ياما وربنا هعملك فضيحه هنا ال اشرب شاى ب 65 جنيه ال...

وفجـــــــــــــــــــاه .................................................. ........

قمت قايمه واقفه وقولتله بصوت عالى بقى ..* والله حرام عليك يعنى انت جايبنى عشان تصالحنى وبرده عمال ترخم وتضايقنى انا غلطانه انى مسمعتش كلامهم وجيت معاك احنا كده كده مش هينفع نكمل انا تعبت معاك تعبت تعبت تعبت ..
كل دا وهو عامل كده

وقمت رحت عند البنت اللى فتحتلنا الباب وقولتلها افتحى بلاش كلام فاضى انا غلطانه انى جيت معاه ... ومشيت وسيبته وهو طبعا رسم الوش انو اتأثر اوى وهيعيط وخد موبيله وحاجته وقام ماشى وهو يجر اذايل الخيبه وراه وقامت البنت بصاله اوى كده وقولتله اوووووووووووووو سورى !
حط وشه فى الارض وطلعلى كنت مستنياه بره ومش قادره اقولك على هستريه الضحك بقى كنا عمالين زى المجانين .. ومن بعدها حرمنا اللى تعرفه احسن من اللى متعرفوش برده

ههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههه
بجد موقع صعب اوى

بس تصرف البنت ذكى جداااااا وضحك ف نفس ذات الوقت Smile